親子活動:親子露營
### 好嘢要介紹俾朋友啦 ###


今次同大家介紹一下灣仔半島西營地,營地處於西貢郊野公園內位於灣仔半島西部,係初學者及親子露營一個很好的選擇,除了露營必備既大草原外,還有大型洗手間、浴室、沖洗設施、燒烤爐及檯櫈。

交通

可以由西貢巴士總站乘搭94號巴士往黃石碼頭(每30分鐘一班,車程約15-20分鐘)或星期日及公眾假期可在鑽石山乘96R前往。

到咗黃石碼頭後因爲我們有小朋友既關係,所以我們乘坐街渡出發(乘街渡去灣仔每位$20大小同價,船程大約5-10分鐘)。

另外提一提大家,星期六、日及公眾假期會有渡輪服務(由黃石碼頭—>灣仔—>赤徑—>黃石碼頭)時間由上午9:40至下午4:40每一小時一班次(船程大約15-20分鐘一站)

一上岸就已經係 灣仔-南營地,南營地唔係我們今次的目的地,但係經過就簡單介紹一下啦,南營地官方營位有10個,因為營地非常的近碼頭又非常的近洗手間、浴室同水源,所以會比較人多。就因為太過近碼頭,所以唔多建議帶小朋友去灣仔南營地,避免意外發生。

穿過南營地牌行5-10分鐘山路就會到達灣仔西營地。

依5-10分鐘有家長可能會問:如果小朋友要抱,抱住行仲要背著一身露營裝備會唔好辛苦架?我地經常帶小朋友去露營、行山同戶外活動,我可以大膽咁答你「會」,但係我未見過小朋友要抱,因為佢哋依一刻一心諗住探險,心情既興奮又期待,跟本就無時間去理你,仲不時會叫你「行快啲」,所以你就算唔怕辛苦想抱佢行都有難度。

灣仔西營地比南營地既草原大一倍有餘,但水源、洗手間及浴室要行5分鐘左右,到了營地開始札營,可以請小朋友幫手又或者展示男士們專注既一面。

起完營後可以同小朋友一起凖備簡單的午餐。

營地有原住民「大牛同小牛」,建議大家可以將食物掛高。因為放係袋入面佢地會連你個袋都一齊咬。另外提醒大家 請勿餵飼野生動物

對住清新既大自然,食淡飯都比平時溫馨啲

午餐後可以同小朋友一齊踢下波

玩下飛碟同竹蜻蜓

又或者同小朋友攪個跑步比賽。

其實簡單既遊戲小朋友同大人都可以玩得好開心

我三歲既細仔玩風箏仲玩到似模似樣

各位小朋友同大細路放完電後,亦係時後要凖備晚餐啦

因為營地沒有街燈,建議太陽未落山前開始凖備晚餐

另外也可以用一些燈串去裝飾一下自己的營地,美觀得黎又可以係漆黑既環境當路標用。

要睇星空又唔一定要買張機票飛去外國睇既,其實香港既星空都唔會比外國差架。

特別嗚謝:Let’s Go Camping 攝影師 (Sam Ling)

 


有興趣同我地一齊去露營攝影,可以在下面登記。

相關文章



### 好嘢要介紹俾朋友啦 ###
Blog
0