親子露營 – 西貢塔門露營 – 下篇
### 好嘢要介紹俾朋友啦 ###


上次我地講到係夜晚滿天星光下同小妹妹慶祝生日,過左一個完美既晚上,如果想重溫番可以到以下連結:(https://letsgocamping.com.hk/親子露營-西貢塔門露營-上篇/

到左第二日我地較好鬧鍾,準時05:00起床準備去欣賞塔門最出名既日出,昨晚在愉快既氣氛下看完星海,到早上就看到迷人既日出,如果可以唔洗返工既話真係想一直住係到呀。

發完夢之後我地返到營地,休息一會便開始準備早餐了,早餐都係一啲簡單食材(漢堡排、麵包、煙肉、生菜,芝士等等⋯⋯)時間剛剛好,煮好早餐小朋友亦剛起床了,梳洗後便一起吃早餐。

 

食完早餐便和小朋友一起四處走走,觀賞景色優美既塔門。

塔門除了草地外,當然唔少得去海邊啦。

 

想信大家都知道塔門除左風景優美之外亦都係非常多牛既,啲牛仲係唔怕人既,但係我地發現左依隻牛都不禁為佢而停步。

係一隻小牛呀,仲要唔驚人,瞓係地上面任影唔嬲。我地兩個有愛心既小朋友仲唔想走添。

同牛牛道別後我地向大草坡方向一直落,會發現草坡下方有一樓梯,沿著樓梯走大約5分鐘便會到達塔門有名的石區(呂字疊石)。

 

到達後你會看到就是這兩塊一大一小的四方形石頭疊在一起,見到兩塊石之後個感覺就好似去海南島睇天崖海角一樣(我相信去過海南島或者塔門的你一定會明白我既意思既)。睇完石頭便開始收拾裝備回程了,回程時睇好船既航班時間還可以再到碼頭附近的餐廳吃午餐。

 

希望大家都鐘意今次既塔門親子露營啦,另外提一提大家塔門島上是不可用炭生火的,而島上亦不會有炭出售,大家要注意呀!

 

特別嗚謝:Let’s Go Camping 攝影師 Sam Ling

相關文章



### 好嘢要介紹俾朋友啦 ###
Blog
0