親子露營 – 西貢塔門露營 – 上篇
### 好嘢要介紹俾朋友啦 ###


一講起露營好多朋友都會諗到塔門依個地方,所以我地今次就帶大家去塔門玩番兩日。今次都係係西貢集合(可能有人會問點解我地成日係西貢出發?因為我地係西貢買海鮮夜晚食海鮮餐囉)買完海鮮就搭94號巴士住黃石碼頭,車程大約30分鐘

 

到達黃石碼頭後大家可以選擇乘搭街渡或快艇,如果選擇乘搭街渡,記得事先上網睇睇航班時間(因為星期一至五要兩小時才有一班船,就算星期六、日及假期都要一小時才有一班船)而我們剛好趕上,所以今次就搭街渡出發。

 

船程大約30分鐘,到達塔門碼頭後,你會見到處都是漁民小屋、小艇等漁村風貌。

 

落船後沿左手邊走,你會見到一間士多及一個公廁(島上基本上得三個公廁,碼頭同天后廟附近各一,如果唔想行多一轉最好先去準備),沿途亦會見到一些特色小店賣蝦乾、鹹魚、蝦醬⋯⋯等等。經過特色小店後會見到兩間餐廳,我比佢門口即炒香噴噴既氣味吸引左入去。

塔門必食三寶之一海膽炒飯,雖然唔係好餓但係食下食下停唔到口⋯⋯好快就比我食晒。仲有兩樣必食既就係魷魚炒麵同埋炸墨魚丸(因為海膽炒飯個名太勁,所以唔記得左同另外兩個影相,但可以話你知味道、口感及賣相都不比炒飯差)。另外提一提大家食店附近有一間士多是有租用淋浴設備的。

 

食飽飯後繼續行程會經過天后廟,天后旁有樓梯可到達大草地及觀景台(約走10分鐘路程),但因為我們帶著小朋友所以選擇了走斜路上山(約走15分鐘),天后廟附近還有一間士多及洗手間,記得先在這裏裝好水,因為營地附近沒有水源及洗手間。

 

上山後右邊是一大片落斜的草地,除左草地之外仲會見到一望無際既海景,在這裡露營人士亦比較多,還有很多一日遊的遊客在附近野餐、影相,私穩度比較底。而左邊是較平坦的草地亦有海景,都是人流比較多私穩度底,草地旁有個足球場。

 

可以同小朋友一齊踢下波,穿過足球場另一邊出口附近有一處凹了進去的草地,可容納4-5個家庭露營,但沒有海景,一心嚟睇海景既可能未必適合,但我們一家大小帶著小朋友就最適合不過,因為這裡三面被樹木包圍,私穩度高又唔怕小朋友四圍跑,牛又比較少。

搵好地方建好營地當然唔可以錯過咁靚既海景啦。因為塔門既牛唔怕人同好主動,所以記得記得要將啲食物放好呀!


一班小朋友已經急不及待要沖去草地玩啦。

依一日仲係一個特別既日子,我地有一個小妹妹生日呀!我地亦都提前準備好一啲生日小佈置。

係郊外用一啲串串燈加埋Happy Birthday 已經好靚仲好有氣氛。最後當然唔少得生日蛋糕啦!想知我地點拎個蛋糕去露營?留言問我我話你知啦!

鬼馬既爸爸仲不時整古壽星女添!

係咁靚既佈置加上萬天星星就好似個天都同你一齊慶祝生日咁!

就咁我地係塔門就過左完美既一日,到左第二朝⋯⋯(未完待續)

 

 

特別嗚謝:Let’s Go Camping 攝影師 Sam Ling


有興趣同我地一齊去露營攝影,可以在下面登記。

相關文章



### 好嘢要介紹俾朋友啦 ###
Blog
0